ГӀалгӀайчен культуран министр яха хилар скульптора Мамилганаькъан Руслана музее-ЦӀагӀа
ГӀалгӀайчен культуран министр Лаьнанаькъан Залина яха хзилар республикан Паччахьалкхен исбахьален музея кулгалхочунца ТӀумхой Любайца, цӀихезача гӀалгӀай скульптора Мамилганаькъан Руслана ЖӀайрахьарча ГМИИ ЦӀа-музей йолча.
«ЦӀа-музей ший хӀамашца цецвоаккхаш да, таронга диллача. Цига лорабеш ба пхи бӀаь совгӀа керттера гойтам, иштта Ӏилман новкъостал ду ганз. Укхаза гулъяьй суртанча ший доалахьара хӀамаш, цун скульптураш, Ӏалама сурташ, тамашийна каьхаташ, цӀихезача говзанча вахара наькъаш белгалдеш йола вахаре лелаяь хӀамаш.
Бихьача наькъа керттера маӀан дар филиала хьалага хьажар, гонахьара доазув миштад хар. Керттера терко тӀаяхийтар музея экспонаташта, уж йовзийтар цигарча болхлочо Хабренаькъан Ӏашата», - аьлар «Сердало» газетага Паччахьалкхен ИЗО музее.
Лаьнанаькъан Залинас белгалдир, лоаман ГӀалгӀайчен дагалоаттама моттигех цаӀ хиларах тарра, скульптора Мамилганаькъан Р.И. ЦӀа-музей дегӀадоаладар лоархӀаме хилар. Цо республикан бахархошта меттел, дукхача хьаьшашта таро лу гӀалгӀай къаман культуран тӀехьале йовза.
