ГIалгIайчен культуран министро могаш доацача берашта совгIаташ делар
Министр Культуры Ингушетии совместно с благотворительным фондом Микаила Гуцериева «Сафмар» передала подарки больным детям с ОВЗ.
«Мархий еза ха йолаш, дегIа дIалела ца могаш, эпилепси оала лазар долча берашта, иштта кхыдолча лазарах могашал яйнача 1000 бера, мерзача хIамаех кийчдаь, совгIаташ дир.
Культуран министра Лаьнанаькъан Залинас могашал меттаоттаяра йолча Республикан берий центрерча берашта-заIапхошта къаьстта ше совгIаташ делар. СовгIаташ кхаьчар коррекционни ишколерча-интернатерча, кхелетанза барий Республикански вахар меттаоттадара центрерча, ГБУ СОШ № 10 йолча ишколан лаьрххIача лассерча, хьа ца ухаш, цIагIа дешаш долча могашал яйнача республикан центра берашта-заIапхошта, иштта лаьрххIа бола кхача мара баа йиш йоацаш берашта.
Цул совгIа 1300 совгIат делар гаьна ядача ишколашка дагIача берашта:
Чамалха, Заьзгакъонгий-Юрта, Берда-Юрта, Долакоа. 1250 мерзача хIамаех кийчдаь совгIаташ дIа-юха дийкъар культуран министерствонна чуйоагIача моттигашка», — йоах хоамо.
