«Артекерча» берий хьал тохкаш хилар дешареи Ӏилмани гӀулакхех йолча Министерствон кулгалхо
Крымерча «Артек» яхача халкъашта юкъерча берий салоӀача моттиге ха йоаккхаш долча вай берий хьал тохкаш хилар республикерча дешареи Ӏилмани гӀулакхех йолча Министерствон хьалха латта Цхьорой Ахьмад-Башир. Из хоам «Сердалога» бир министерствера. Бераш Ӏеш, хӀама дуаш йолча моттигашка хьежар министр.
«ГӀадвугаш дар, кулгалхочо вай мехкара бераш лакха кхетам болаш, хоза оамалаш йолаш да, аьнна, белгалдар.
Вай берех иштта хоза цӀи яккхаро дега боккха тоам бир, «Артека» кулгалхошта баркал оал аз, шоай болх лакхача боараме дӀахьош хиларах, хӀана аьлча, бераша салоӀаш, ха йоаккхаш йола моттиг дика хилар вайна лоархӀаме да», - аьлар Цхьорой Ахьмад-Башира. 2025-ча шера ший 100 шу дизар дездергда «Артеко».
БӀарччача бӀаьшере болх дӀахьош, дукхача бераша салоӀаш, кхетам лакхбеш йола Россе лоархӀаме моттиг хиннай цох.
