Спорта министра белгалбир, Европа Хьалхале къайсача котбаьннараш
Укх деношка ГӀалгӀай Республикан физически культуран, спорта министра Белхарой Руслана белгалбир лоӀамеча латарах U-23 Европа Хьалхале къайсача котбаьнна вежарий Хоаной ИсмаӀал, Мухьамед-ТӀахӀир, яхаш, дийцар «Сердало» газетага.
«Иштта мехка спортивни даькъ тӀарча керттерча кулгалхочо тӀаийцар Албане Тирана оалача шахьаре хьалхарча моттига тӀа эттараш, уж баркал оалача каьхаташца, ахчанца белгалбаьхар. Белхарой Руслан гӀадвугаш хиннар дар, Россе гулъяьча тоабо яьккхача итт мкайдилгах, шиъ ГӀалгӀайченга кхоачаш хилар», - аьлар хоамо.
«Массаза а яьхад аз, хӀанз а юха белгалду, вай спортсменаша диц ца дар шоаш мичахьара хьабаьннаб. Хоаной вежараша Европа дукхача байракхашта юкъе сийленца гойтар лакхача совгӀатий моттиге этта шоай байракх. Иштта баркал ала безам ба са, уж хьаллацарах, ГӀалгӀай Республикан спортивни латара Федераце вице-президента Яражанаькъан Амира», - аьлар министра.
Белгалду, ГӀалгӀай Республикан Кулгалхочун Къаман фондо, мехка спорта министерствос хьожадаь дар из ахча.
