Моттигерча спорта гӏулакхех йолча министерствон кулгалхочох, Россе спорта цӏихеза говзанча хилар
29.10.2025 09:29
«Россе спорта цӏихеза говзанча» яха цӏи елар вай мехкарча спорта гӏулакхех йолча министерствон кулгал деча Белхарой Руслана. Из хоам «Сердалога» бир республикерча министерствос.
Цу гӏулакхах йолча Москверча кхетаче совгӏат хьаденнар вар РФ спорта гӏулакхех йолча министерствон кулгалхочун гӏонча Байсултанов Одес.
Белхарой Руслан эллиной-румий оалача латара халкъашта юкъерча класса говзанча, иштта республикерча физически культурах болча оагӏон цӏихеза болхло ва.
Россе тайп-тайпарча яхьашка, спортивни къовсамашка, иштта Европан, дунен чемпионаташка белгала болаш хьабаьхкаб цо кхебаь спортсменаш.
