«Мужече» оалача республикан спортивни тренировкаш дIахьош йолча центре ваха хилар Дошхьокхалой Iаьла, из хьежар цига Iомалуш долча берашта лоаттадеча даара кхоачам миштаб, царна эшаш дола хьалаш долаш дий. Цига Iомалуш а ха йоаккхаш а да Токмак оалача шахьарера бераш. Из доацаш а, министро къамаьл дир ондаргашца, царна фу хет хьежар, ладийгIар, кхоачамбоацараш дий хар духьа. Дукха ца говш, ондаргаш кийчлуш ба регионашта юкъерча яхьашка дакъа лаца», — йоах хоамо.

«Хьалхарча аргIагIа баркал ала лов сона республикан кулгалхошта, цар цу берашцара болх вIашагIболлаш иштта дакъа лацарах, вай хьаьший дика тIаийца, раьза болаш юхабахар чIоагIа лоархIаме да. Оаха тхоашта могар даьд царна шоаш укхаза яьккха ха дагахьа юсаргйолаш, шоай цIагIа санна царна хьалаш хилийтара», — аьлар министра.