«Цига дакъа лоацаш бар ГӀалгӀай Халкъа Гуллама, мехка Кулгалхочун администрацен, Паччахьалкхен викалаш. Доклад ешаш, кульутуран министра гӀончас Куртой Маккас дийцар дӀадахача шера шоай хиннача толамех. Дукха болх дӀабихьаб «Дешархошта - культура», «Пушкински карта» яха проекташ кхоачашъеш.

Маккас яхачох, лоархӀаме да цу балха юкъе заӀапхошца болх дӀабахьар. 460 кхетаче дӀайихьар могаш доацача берашца; цу юкъе спектаклаш, концерташ, салоӀа сайренаш а йолаш. Цул совгӀа, аьлар доклад еш хинначо, культуран 40 болхлочунна паччахьалкхен совгӀаташ деннад. Къаьстта терко лоаттаяьй, республикан дешара моттигашка дийша баьнначул тӀехьагӀа, мехка лакхарча дешара кхоллама вузашка дешаш барашта», - аьлар къамаьл даьчо.

Кастлуш, хьатӀадоагӀача массехк шера, йолаш йолча Паччахьалкхен филармоне, 4 театрах кхаьнне шоай доалахьара гӀишлош хилара хаттар кхоачашде деза, моттигашка материально-технически Ӏалашон кхоачам ца хилара терко тӀаяхийта еза, иштта кхоллама тоабай кхыча моттигашка дӀа-юха лелара болх дегӀабоалабе беза, аьнна, белгалдир.

Ший балхах дийцар историко-культурни, художественни тӀехьален отдела кулгалхочо Куштанаькъан Луизас. Цун болх бувзабенна ба, дукхагӀча даькъе, музейшцарча балха дикал лакхъярца.

Хала дале а, цунца цхьана накъадоалаш хилар архивни материал гулъяь хилар. Иштта дӀадахача шера, Ӏаьдало терко лоаттайир, кхувш боагӀарашта Даьхенцара безам совбоаккхаш кхетам балара, ЛаьрххӀача операце дакъа лоацаш болча бӀухой дезалашца болх дӀабахьара.

Белгалду, дукхача хана денз, сатийсад ГӀалгӀайчен бахархоша, бӀаргашта хӀама ца гуш долча берашта 3D хӀамах хьокхалуш йола галерей, гаьнарча юрташка культура цӀенош хьалдарга.