Вай культуран Министерство дакъа лоацаш я, Ерригроссийски лерхӀам белгалбеча кхетачене
ГӀалгӀай Республикан культуран министр Лаьнанаькъан Залина дакъа лоацаш я, Ерригроссийски лерхӀам белгалбеча кхетачене. Цига ювцаргья «Къаман мах бараш, культуран оагӀув» яха Федеральни проект, иштта «Дезал» яха Къаман проект кхоачашъярах, яхаш, дийцар «Сердало» газетага культуран Министерствон хоамий гӀулакха кулгалхочо Хазанаькъан Хатимата.
Проекта чудоагӀаш да дезала нийса вахар хьакхоллар, дезалера хьал чӀоагӀдар, вахара юкъарлено дезала мах бараш доаржадар. Шин дийнахьа из кхетаче дӀахьош цун доакъашхоша шоайла балха говзал эцаргья, кхы а дукхагӀа толамаш дахара цу даькъ тӀа лаьрххӀа дола къамаьл хургда.
Хьалхарча аргӀагӀа, гулбеннарашта вӀашагӀъеллаяр экскурси. Из дӀайихьар Лоаман Алтай- Шахьара А. В. Анохина цӀерагӀча Къаман музее. Цига таро хилар Алтай Республикан хьалхара истори, культуран лоархӀамедараш го.
«Дезала мах бараш, культуран оагӀув» яха проект дика кхоачашъяр - вай керттердар да!» - аьлар Лаьнанаькъан Залинас.
