Профсоюзашца бувзам лелабеш хургья кагирхой гӀулакхех йола министерство
21.02.2025 12:15
Республикерча профсоюзий оагӀон кулгал деча Оздой Хадеца, юкъера бувзам чӀоагӀбарах долча каьхата кулг яздир кагирхой гӀулакхех йолча министерствон хьалха латтача Малсаганаькъан Адама. Из хоам «Сердалога» бир цу моттигера.
«Вай кхувш латтача тӀехьен хьал тоадара тӀехьа беркате гӀа ба из. Баьча соцамах, тайп-тайпарча оагӀонашцара кагирхой кхетам лакхбеш йола кхетаченаш дӀакхахьа лаьрхӀа ба уж цхьана», - йоах тхогарча хоамо.
Малсаганаькъан Адама белгалдечох, кагирхошта юкъера бизнес, цхьацца дешара программаш, культураца дувзаденнараш тоадеш проекташ кхолла лаьрхӀа ба уж.
«Теша лов, цхьана дӀахьоча балхо кагирхой вахаре дикка пайда бергхиларах», - аьлар Оздой Хаде.
