ӏалама министерствос хьунаш лораяра ӏомаю саг чувоаца гӏеттаргаш
Гӏалгӏайчен ӏалама министерствон говзанчаш шоай балха говзал лакхъеш ба, гӏетташ йолча беспилотникашца болх бара йола (БПЛА) федеральни проекта чудоагӏаш. «Говзанчаш беспилотни авиаце даькъ тӏа», «Беспилотни авиаце болх» яхача къаман проекта чудоагӏаш, кхоачашъеш йола программа лаьрхӏа я керда технологеш юкъеяхара, республикан хьун таронаш лораеча, яхаш, дийцар «Сердало» газетага Гӏалгӏай Республикан ӏалам лорадара Министерствон зарбан болх лелабераша.
«Кхойтта говзанча, цу юкъе виъ болхло Гӏалгӏайчен ӏалам лорадара Министерствон а волаш, хӏанз дешар дӏахьош ба Махачкале.
Карарча хана цар ӏомаду дронаш лелаяра теоретически керттердараш, хӏаьта балха говзал шаьръергья хьун даькъ тӏарча аренашка. Дешар чакхдоалаш, тов бетта 18-ча дийнахьа, беррига доакъашхой чакхбаргба аттестацех», - аьлар алам лорадераша.
ӏомадьар накъадаргда гӏалгӏай говзанчашта хьун хьалаш миштад хара БПЛА лелаеча, цӏи ялара кхерам бола моттигаш гучайоахаш, иштта бокъонах доацаш хьу тедаш йола моттигаш йий хьожаш. Белгалду, карарча шера тушола бетта Гӏалгӏайчен ӏалама Министерствога кхаьчар кхоъ саг чувоаца гӏеттарг, «БАС» яхача къаман проекта чуйоагӏаш тйола. Цу тайпара, республико дика юкъе йоалаю ший хьун хьалаш лорадара хьалха латта технологи.
