ГӏалгӀайчен Ӏалама министерствос пайда эцаш хургья ГИС «Чарахьал»
Карарча шера наджгоанцхой бетта 1-ча дийнахьа денз, мехка дӀаболабеннаб паччахьалкхен хоамий болх, чарахьал леладара даькъ тӀа. «Чарахьал» ГИС хургья из лелабеш. Кердача хьисапера болх кхеллаб РФ министерствос, РФ таьрахьий министерствос. Укх деношка, Россе Ӏалама Министерствос кулгал а деш, ВКС кепара кхетаче хилар, цига дийцар цунга кийчо ярах, «Сервисаш лелаярах чарахьал деча даькъ тӀа, цар таронаш лораярах» яха №62 йола сервис лелаярах. Цу тайпара хоам «Сердало» газетага бир ГӏалгӀай Республикан Ӏалама Министерствос.
Цига дакъа лоацаш вар вай ГӏалгӀайчера Ӏалама тароний, экологен министра гӀонча Ӏарчакханаькъан Ахьмад, хьайбаш лелаш долча доазон тӀара хьал лорадеча отдела кулгалхо Булгучанаькъан Апти.
«ГИС «Чарахьал» - из я «ГосТех» даькъ тӀа болх беш йола система, цо аттача боаккх Ӏаьдала а чарахьий а бувзам лелабара болх, иштта таро лу чарахьал леладеча даькъ тӀа тӀахьожам дикагӀа лоаттабе», - аьлар Ӏалам лорадераша.
