«Коталон Денна хетадаь 80 дика гӀулакх» яха болам хьаллаьцар юртбоахама министерствос
05.05.2025 12:28
Юртбоахама гӀулакхех йолча министерствос хьаллаьцар «Коталон Денна хетадаь 80 дика гӀулакх» яха болам. Из хоам «Сердалога» бир цу моттигера.
Болам хьаллоацаш, таро йоацача дезалашта шоай доазон тӀа дӀайогӀа 200 га йийкъар министерствон болхлоша. Уж я боалий, Ӏажий, кхорий, гӀамгӀай, шапшай гаьнаш.
«Дика гӀулакхаш хӀара дийнахьа де йиш я, цу гӀулакха лаьрххӀа ха оттарга ца хьежаш. ДӀадеш дола дика сагага юхакхоач, Даьла къахетамца. Сага гӀо де, цун дог хьаста аьттув хиларо вӀаьхий ву саг; дуне а сийрдагӀа, безамегӀа хеталу», - белгалдир Минсельхоза кулгал деча Гаьгенаькъан Мухьмада.
