Сайтиев Бувайсара хетаяь футбола яхь дӀаяхьа кийчлуш ба минспорте
Сайтиев Бувайсара хетаяь футболах йола «CaucasӀan medӀa Cup» яхь дӀаяхьа кийчлуш ба вай минспорта болхлой. Из хоам «Сердалога» бир министерствон зарбан болх лелабеча ГӀапиархой Аишас.
«Цу оагӀонца дӀабахьа безача балхах дийцар министерствон хьалха латтача Белхарой Русланаца футболах йолча федераце президент волча Хьулахой Хаважа, «Анжи» футбольни клуба кулгалхо волча Султанахмедов Арзулума, «ErrӀg Show» футбольни клуба кулгалдеча ГӀайтакханаькъан Ислама.
Гулбеннараша белгалдаьчох, Шолжа-Шахьарерча «Дьякова» стадиона тӀа ГӀалгӀай мехкара, селий, нохчий мехкашкара, Ставрополера тоабаш гуллургья укх бетта 22-ча дийнахьа», - йоах тхогарча хоамо.
Яхьашка дакъа лоацаш хургба цӀихеза спортсменаш, футболацара шоай говзал хьахьокха ловш бола блогераш.
Турнир дӀахьош я къамашта юкъера бувзам, барт чӀоагӀбара тӀехьа, спорта нах тӀаозара.
