ГӏалгӀайчен спорта Министерствос эллиной-румий латарах котбаьннараш хьакхайкабир
ГӏалгӀай Республикан физически культуран, спорта Министерствон зарбан болх лелабераша хьакхайкабир 24 шу даьннарашта юкъе дӀахьош хиннача эллиной-румий латарах Хьалхале къайсача котбаьннараш.
«ГӏалгӀайчен йоккхагӀа йолча спорта комплексе шоай говзал гойтар 260 латархочо, мехка 53 моттигера бар уж. Доакъашхой бийкъабар шоай дозалга хьежжа; 53 кг, 63 кг, 77 кг, 97 кг, 130 кг йолаш», - аьлар хоамо.
Цига котбаьлар Гаьгенаькъан Малик (55 кг), Андреев Александр (63 кг), Панютин Илья (60 кг), БӀарахой ИсмаӀал (77 кг), Ӏарпенаькъан Рамзан (82 кг), СаитовгӀар Мансур (87 кг), Аверин Максим (97 кг), Мелехов Александр (130 кг).
Белгалду, хьалха «Сердало» газета яздаьдар «Ади Ахьмад» яхача спортивни клубе Ӏомалуш бараша, Россе Турпалхочун Келаматанаькъан Ӏалихана сийна дӀахьош хиннача Хьалхалене йиъ майдилг яккхарах.
