Гӏалгӏайчен спорта Министерствоc къовсам лоаттабу унзарча хьалашца
Гӏалгӏайчен Наьсаре кхетаче хилар, Гӏалгӏай Республикан физически культуран, спорта Кхела; цига дийцар вахара-унзарча хьалашца къовсам лоаттабарах, яхаш, дувц «Сердало» газетага Гӏалгӏай Республикан спорта Министерствон зарбан болх лелабеча Гӏаппархой Аишас.
Кхетачен кулгалхочун болх дӏабихьар Гӏалгӏайчен спорта министра гӏончас МургӀустанаькъан Мухьмада. Гӏалгӏай Республикан спорта министерствонна чуйоагӏача ерригача урхаллений кулгалхоша шоашта бакъахьа хетар аьлар, терроризма, экстремизма даькъ тӏа болх тоабара даькъе къовсам лоаттабарах, иштта вай кагирхошта хьалхадаьккхар, къамашта юкъера хьал толхаде гӏерташ дола вахара-унзара хьал леладерашта духьала хила безилга. Цунца цхьана дийцар наркомане хьал а.
МургӀустанаькъан Мухьмада тӏадиллар спорта моттигашка массахана хургйолаш, хьехам лу кхетаченаш дӏаяхьар; вахара бувзамашка къамаьл деш сакхетам болаш хилар; дегабуам беш хӏама нийслой, шоай ханнахьа хоам бар.
