ГӏалгӀайчен спорта министерствос бувзам лелабу Нохчий республикан айкидо Федерацеца
20.06.2025 10:57
ГӏалгӀай Республикан физически культура, спорта Министерствос бувзам лелабу Нохчий Республикан айкидо Федерацеца, яхаш, дийцар ГӏалгӀай Республикан спорта Министерствон зарбан болх лелабераша.
«ГӏалгӀайчен спорта министра Белхарой Руслана лоалахарча республикаца бувзам чӀоагӀбу; вешта аьлча, Нохчий Республикан айкидо Федераце кулгалхошца Джабраилов Турпал-Ӏаьлаца, Тимирбиев Асхьабаца кхетаченаш дӀаяхьара хьакъехьа.
ОагӀонаша шоашта ховш дар дӀа-юха аларал совгӀа, дӀахойодача хана спортивни кхетаченаш дӀаяхьара хьал а дийцар, дукхагӀча даькъе ГӀалгӀайче лоархӀаш йолча спортах», - аьлар хоамо.
