«Укх деношка, ГӀалгӀайчен спорта министра Белхарой Руслана дакъа лоацаш, саькура бутт чакхбоалаш, эллиной-румий латарах Россе хьалхара моттигаш яьхача, 16 шу даланза болча спортсменашта лаьрххӀа дола цӀай дир. Из кхетаче дӀахьош, баркал оалача каьхаташца белгалвир кулгалхочун цӀерагӀа, ахчан совгӀаташ луш, Йовлой Ӏаддал-Малик, борза совгӀаташ даьха Налганаькъан Ислам, Йовлой Ӏаддал», -аьлар ГӀалгӀайчен спорта Министерствос.

Иштта терко йоацаш висанзар Йовлой Адам, Овшанаькъан Хьамзат - уж цӀаккха ца хиннача тайпара гарга бар сатийсача моттиге кхача. Къаьстта Белхарой Руслана шийгара совгӀат делар латархой хьехамча волча Дошхьакълой Ислама.

Хьалха «Сердало» газето яздаьдар, Суздале 15 совгӀат даккхара яхьеваьлар мехка 62 моттигера 600 спортсмен, аьнна. Вай команда цига яхаяр воккхагӀа волча эллиной-румий латара тренерца Ӏарапханаькъан Исламаца.