«2024 шера маьцхали бетта ВСУ оагӀорахьара герз чудийттад цига.

РФ герзашцарча низий Министерствос, маьцхали бетта 7-ча дийнахьа, Россе МЧС болхлошца цхьана Курский областера бахархой кӀалхарбоахаш дукха къахьег, мехка чоалхане хьал эттад. Цу халача ханашка, ерригача Россе бахархоша цига баха нах хьаллаьцаб, цига гуманитарни мухь бахьийтара йола таронаш вӀаштӀехьаяьхай.

Вай республика а юстара йисанзар. Магасе хьайийллар, Курский областе бахача наха новкъостал деш йола моттиг», - аьлар хоамо.

Курский областа бахархой хьаллаца безам бараша новкъостала хьая йиш я тӀаювхаю йӀайха хӀамаш, боккхийчарна а иштта берашта а кога тӀа бувхабу гӀирс, кхыяраш. Цул совгӀа, эшаш да дашадехка кхачан даараш, хьоар, 0,5-2кг кхаччалца, генарий даьтта 0,5 - 1 литрага кхаччалца.

Укх деношка, ГӀалгӀайчен гӀишлон Министерствос а  цу гӀулакха ший дакъа юкъедера. Боахама къахьегамца, дукха гуманитарни новкъостал дӀадахьийтар из гулдеча моттиге. Керттера да кхачан даараш.

Иштта укх деношка баркал оал, цига дакъа мел лаьцарашта.