ОВЗ долча берашца дувзаденна дешаш цхьана къестаде лерхӀ вай унахцӀенон Министерствоси ВОРДИ болхлошеи
30.07.2025 16:00
УнахцӀенон гӀулакхех йолча министерствон хьалха латтача Ӏалбаканаькъан Зарас кхетаче дӀайихьар дегӀа могашал эшаенна долча берий даьй, ноаной оагӀанцарча ерригача Россерча моттига (ВОРДИ) доакъашхошца. Из хоам «Сердалога» цу моттигера бир.
Берашта гӀо дарах дийцар гулбеннараша. ВОРДИ доакъашхошта министра белгалдир, цу берашта боаггӀача боараме эшаш дола новкъостал дар керттерча декхарех долга.
«ДегӀа могашал эшаенна долча берашта гӀо дар, цар цӀагӀарча наьха оагӀув хьаллацар боаггӀача боараме хила деза. Цул совгӀа, иштта йола кхетаченаш каст-каста дӀакхахьа лаьрхӀар цига. Тахан цу наха хьалхашка нийслуш дола кхоачамбоацараш юстардахара тӀехьа къахьега дезилга белгалдир министра», - дийцар тха газетага цу моттигера.
