ГӏалгӀайчен боккхача дезала нанна юхаделар, тийшача балхах лочкъадаь хинна 50 000 сом
Илдарха-Гӏалан прокурора дӀабихьача балха тӀа боккхача дезала наьнагара тийшача балхах дихьа хинна ахча юхаделар, аьлар «Сердало» газетага республикан тӀахьожама боахаме.
«Белгалду, 2023 шера маьцхали бетта, из кхалсаг болх лургба аьнна Ӏехаяь, цу сага банка карта тӀа дӀабахьийтар из мах», - аьлар ГӏалгӀай Республикан Прокуратуро беча хоамо.
Цу гӀулакхах, тохкама органе дӀабихьар болх, малагӀча банка чота тӀа 50 эзар сом ахча дӀадахьийтад хара, цун да малав гучадаккхара.
Къонача, боккхача дезала наьна га доаккхаш, шахьара прокурора кхайкарал дир кхален №4 йолча суда даькъ тӀа, Свердловски областа Ревдински шахьара суде лоткъамца, цу банка чот лелаеш волча сагагара, тийшача балхах дихьа ахча юхадалар дехаш. Прокурора хьадехаш дар кхоачашдир, бокъонах доацаш дихьа 50 000 эзар сом юхаделар.
Цунца дувзаденна, юха а хьалхадоаккх вай бокъонаш лораераша: Интернете гӀолла шоайла къамаьл деш, цхьацца хӀама эца ловш бараш фийла хила беза цу хӀаман. Малашб ца ховча нахах тийша ма дита из хьал, шоаш боккъонцахьа тешаш ца хилча.
