УПЧ гӀонца, шийна доагӀа ахча меттаоттадир дукха дезал болча да
04.08.2025 12:52
Эккажкъонгий-Юртара дукхача дезала да леткъар УПЧ; хӀара бетта доагӀаш дола ахча хьалуц ший берашта, аьнна.
«Госуслугашка гӀолла пхезза дехар чудала волларах, аьттув болаш хиланзар цун гӀулакх. Вахархочо дийцачох, хьалхагӀа цу каьхатех ахча хьаихад цунна», - дийцар «Сердалога» мехкарча УПЧ.
Россе Вахара ганза болхлой оарцагӀбаьх, техкар из гӀулакх. Ганза болхлоша кхоккха бера, хӀаранена 16 169 сом ахча хулаш, хьахьожадир пособи.
Цу гӀулакхо хьагойт, сага бокъонех волча викала ший декхараш дизза кхоачашделга, наьха хьашташ теркалделга.
