Кагирхой кийчлуш ба, наркотикашта духьалара республикан кхетаче дӀаяхьа
Бекарга бутт юкъекхоачаш, ГӀалгӀайчен хьинар долча кагирхоша дӀаяхьа лерхӀ наркотикашта духьалара кхетаче. Шолжа-Шахьарерча цӀера духьала къовсам лоаттаберий колледже, белгалбаьб «Кхерамза йола кхоане» яхача проекта керте латтараш, цу юкъе дакъа лоацаш хургбараш.
«Кхерамза йола кхоане» яха проект тӀаерзаяь я наркоманена духьала, унахцӀена вахар дӀадахьара. ТIеххьарча хана кхетаче дӀайихьараш Шолжа-Шахьара администраце вахара политикан отдела болхлой бар. Цига дакъа лоацаш хилар «Rehab» яхача дарба деча центра викалаш, иштта Ерригроссийски къамашта юкъерча кагирхой цхьанкхетара моттигерча отделене кулгалхо Оздой Инал.
Къамаьл деш хиннараша белагалдаьккхар, наркомани мичахьара хьайолалуш я, дӀахо цар кагирхошта дийцар гӀалатваргвоацаш фу де деза, малагӀа вахара никъ лелабе беза. Цул тӀехьагӀа, дувцача хIаманна хетадаь хаттараш, декхараш кхоачашдир гулбеннараша»,-аьлар «Сердало» газетага Шолжерча администраце болхлоша.
