Кагирхой таро я, яьссача балха моттигий ярмаркага гӀолла дукха деза гулакх харжа
29.10.2024 14:18
Шолже дӀахьош йола балха яьссача моттигий ярмарка хилар бахьан долаш, ГӀалгӀайчен кагирхой таро я цунга гӀолла шоашта болх лаха, яхаш, дийцар «Сердало» газетага цу моттиге.
«Из пайда хьабоалаш йола кхетаче дӀаяхьара хьалха латт ГӀалгӀай Республикан кагирхой цхьанкхетарий ЦӀа. Из дӀахьош я, «Дешар» яхача къаман проекта чуйоагӀаш.
Культуран цӀен майдан тӀа лаьрххӀа дукха модульни тоабаш, компанеш яр, болх безарашта из харжа таро луш. Царех хӀара моттиге, шийна бакъахьа хетача говзанчашца дагавала йиш яр. Къахьегама ярмарка говзанчаша кхетаче-хьехам лу, цига балха оттара кийчо е а, керттера хаттараш довза а йиш я», - аьлар кагирхой цхьанкхетарий ЦӀен викал волча ГӀалменаькъан СаӀида.
