«Ноахала къовсам» яха викторина кхаь даькъах латташ хургья, хьалхарча даькъе — 10 хаттар, хӀара нийса жоп даларах тоабанна цхьацца бал дӀалоархӀаргба, дагавалара 30 секунд ха лу. ШоллагӀча даькъе 7 хаттар хургда, уж дувзаденна да ГӀалгӀайчен истореца. ТӀеххьарча даькъе шоашта хьалхашка оттадаь декхар кхоачашдара, доакъашхой дикка уйла е еза. Нагахьа берригаш а команда доакъашхой цхьана котбаьнна хуле, тӀехьара тӀа кхы а къовсам хургба, котваьннар белгалвара», — аьлар хоамо. Цу тайпара хьаькъале яхь дӀахьош, доакъашхой таро хургья шоашта ховр кердадаккха, ГӀалгӀай багахбувцам юкъебаккха, Россе а ГӀалгӀай а истори дагадоха. Хаттараш вӀашагӀдохкаш терко тӀаяхийтай, гӀалгӀашта юкъе дукхагӀа даьржача гӀулакхашта, дувцарашта, къаман белгалонашта. Цу тайпара болх боккхагӀчарна юкъе дӀахьош хилара бахьан да, царна социальни оагӀорахьа шоаш эшаш ба, аьнна, ца моттийта, командашца цхьана болх бара хьакъехьа уж хьакхаштабахар, доккхагӀча цу ноахалгара хьаькъале хӀамаш хазар лар. Котбаьннарашта моттигерча Ерригроссен къамашта юкъерча кагирхой союзо дагалоаттама совгӀаташ лургда.