Гӏалгӏайчен кагирхой кибербуллинга кхерамах лорабир
Гӏалгӏай Республикан кагирхой гӏулакхех йолча Комитето Магас-Шахьаре вӏашагӏъеллар кхетаче, «Россе кибербуллинг: гуш боаца кхерам» яха цӏи йолаш. Из хоам «Сердало» газетага бир Гӏалгӏай Республикан КДМ зарбан болх лелабераша.
«10-11-ча классашка дагӏача берий терко тӏаэзар Интернета даькъ тӏа доаллаш долча хӏаманна. Кагирхой Комитето лаьрхӏар цу кхетаче беха Z даькъ тӏа лерхӏам бола нах. Къамаьл дӏадодаш, Гӏалгӏай Республикан кагирхой гӏулакха йолча Комитета болхлоша, психолога Чахкенаькъан ӏаьлас, блогераша Овшанаькъан Маккас, ӏоахарганаькъан Мадинас этта хьал довзийтар, цар берашца цхьана техкар мишта лоравала веза вахара бувзамашка буллингах. Керттера терко тӏаяхийтар дезала юкъе а, хьехархоша лорае езача оагӏонна а. Иштта хьаьшаша дийцар кхыча наха духьала бокъонах цадоагӏар леладарах доалаш дола зулам малагӏа да»,-аьлар хоамо.
«Тахан Интернет вай вахара цхьа дакъа да, цун таронашца кхыдола ца эша кердадараш а юкъедаьннад. Вай декхар да - кагирхой ӏомабар нийса теркалъе кибербуллинг, шоайла хьаллоацаш, экрана тӏехьашка массайолча хана дийна саг латташ хилар кхетадарга уж бига»,-аьлар кхетаче дӏахьош хиннача Гӏулой Аминас.
