Кагирхой дакъа лоацаш ба, «Коталон Кораш» яхача боламе
ГӀалгӀайчен кагирхоша цхьаккха а вай мехка дӀахьош бола болам дӀабахийтац, дакъа ца лоацаш. Укх наькъа кагирхоша лаьрхӀар «Коталон Кораш» яхача ерригроссийски боламе дакъа лаца», - яхаш, дийцар «Сердало» газетага цигарча викалаша.
МоастагӀа эшаваь 79-шу дузаш; студенташа, дешархоша шоай цӀен кораш кийчдаьд шоай кулгашца хьадаьча а иштта тӀема а сурташца. Цу гӀулакха юкъе дакъа лоацаш, берригача мехка бахархоша хьагойт, шоай йоккхача Даьхен истори мел деза леладу», - аьлар «Къонача гварде» лоӀамхочо Гаьгенаькъан Рамзана.
Белгалде дезаш да, «Коталон Кораш» (юххьанца «Дагалоаттама Кораш») дагадехар Алтайски край йолга. Из дагадехар яр цигарча российски дешархой болама кулгалхо Клочко Вероника, цо лаьрхӀар, коронавирус хиларах, из цӀай юкъахдита йиш яц, аьнна. Из дар 2020 шера «Маьтсела бетта ийслагӀа ди долаш».
