«Юртара кхоллам» яхача яхьашка дакъа лаца бех мехкара кагирхой
Къонача дизайнерашта, кулгаговзал йолча тайп-тайпара хIамаш хьаеча наха лаьрхIа «Юрта лаьрхIа болхлой» яхача Роскагирхой программан «Юртара кхоллам» яха ерригача Россе яхьаш я юртарча кагирхой Россе союза дIахьош. 18 шергара 35 шерга кхаччалца бола нах ба дакъа лаца йиш яраш. Бекарга бетта 30-гIа ди кхачалехь юртара кагирхой.рф яхача проекта кертерча сайте чудала деза дехар дакъа лаца воаллачо.
Из хоам «Сердалога» бир кагирхой гIулакхех йолча комитето. Яхьашта юкъеяха йиш йолаш я пхьоаллеш, кулгаговзала кружокаш, студеш, хIамаш тега моттигаш, иштта кхыяраш а. Яхьий керттера декхар - юрташкара кагирхой къахьегама, шоай кулгашца цхьацца говза балхаш дара тIаозар. Перьм яхача шахьаре аьхки дIахьоргья цу яхьий тIеххьара кхетаче.
«Дизайн-студешкара болх бовзаш, Iомабеш ха яккха аьттув хургба котбаьннарий, иштта мехкарча лоархIамеча гойтамашка шоай хIамаш хьокха оттае йиш хургья цар»,- белгалдир кагирхой гIулакхех йолча комитето.
