Кагирхоша хьаькъал совдоаккхача ловзара юкъе дакъа лаьцар
21.11.2024 10:20
ГӀалгӀайчен къона бахархой хьежар тайп-тайпара вахарца дувзаденна хӀамаш шоашта мишта довз, уж дакъа лоацаш бар хьаькъал совдоаккхача ловзара юкъе, яхаш, дийцар «Сердало» газетага ГӀалгӀай Республикан кагирхой ЦӀагӀа.
«Из кхетаче вӀашагӀъеллар яр «Этнос» яхача проекта тоаба, къаман истори дешархошта дикагӀа дӀадовзийтара лаьрхӀа. «Марем» оалача гимназе дешархоша боккхача безамца кхоачашдир шоашта хьалхашка лаьтта декхараш, уж дувзаденна дар къаман Ӏадаташца, культураца», - хоам бу тха газетага.
Белгалду, цу тайпара ловзараш кхувш йоагӀача тӀехьенна юкъе даржаш латт, хӀаьта 2024 шу чакхдалале царна юкъеозаргва 1100 саг.
