ГӀалгӀайчен кагирхой дакъа лоацаш ба, «ЦӀий дӀадалара хьалхара гӀа» яхача болама юкъе
ГӀалгӀай Республикан лоӀамхой тароний центра дакъа лоац «ЦӀий дӀадалара хьалхара гӀа» яхача Ерригроссийски болама юкъе, цунна чудоагӀаш тайп-тайпара, хӀама довзарца дувзаденна къамаьлаш дӀахьу дешара моттигашка, яхаш, дийцар «Сердало» газетага ГӀалгӀай Республикан РЦД.
«Из кхетаче дӀаяхьара маӀан да, шоаш боккха хилча дешархой цу юкъе дакъа лаца кийчбар, царна керттера бокъонаш дӀайовзийтар. Укх деношка, из лоархӀаме кхетаче дӀайихьар Наьсарерча №14 йолча ишколе, иштта Пхьилекъонгий-Юртарча №4 йолча ишколе. Лектораш болаш, Даьла духьа гӀо деш лелараша дийцар, цӀий дӀадалара юкъе дакъа лоацаш хилар мел эшаш а пайда луш а хӀама да. Дешархоша а белгалдир, тахан боккхагӀа болча наха из гӀулакх хьал ца лоацаш хилара бахьан, цхьаболча наха шоашта цаховр дувцарца хоттаденна хилар», - аьлар хоам бераша.
