Кагирхой Iомалуш ба, гранташ йоахаргйола проекташ кхолла
ГIалгIайчен кагирхой Iомалуш ба, вахарца ювзаенна проекташ кхолла, цо гранташца новкъостал дергда Россерча кагирхой комитета. Цунца дувзаденна моллагIа новкъостал деш я ГIалгIай Республикан туризман, кагирхой политикан Министерство, яхаш, дийцар «Сердало» газетага из болх вIашагIбеллараша.
«Хьалхарча балха даькъаца дувзаденна да, кагирхой викалаш республикан дешара моттигашка бахар. Шоаш къамаьл деш, цар дешархошта довзийт, балха хIара лоархIаме гIа малагIа ба. 18 шергара 35 шерга кхаччалца ха яьннараш таро йолаш ба, шоашта нийса хетар кхолларал совгIа, шоай мехкахошка а цох пайда эцийта.
Укх наькъа из лоархIаме гIулакх довзийтар, Наьсарен №19 йолча ишкола дешархошта. ЛоархIаме къамаьл дIадихьар царца Iарчакханаькъан СаIида, ГIулой Аминас. Дешархоша, дика хеташ, ладийгIар царга, иштта дийцар шоашта бакъахьа хетар», - аьлар хоамо.
«Шоана хьалхашка хьаделлаш да наькъаш! Шоашта могар де, хьакхоллаш, кердадараш лохаш хила. Цхьаннена дагадехачох, кхоана ерригача Россена пайда бала тарлу», - аьлар кагирхой туризман Министерствон грантови отдела хьалхале лелаеш волча говзанчас Iарчакханаькъан СаIида.
