ГӀалгӀайче даькъалайийцар республикан денца, дунен дукхача къамий кагирхоша
05.06.2024 10:29
Дунен тайп-тайпарча мехкашкарча кагирхоша даькъалайийцар ГӀалгӀайче республикан Денца.
Ловца боаккхаш дола дӀайха дешаш эггара къонагӀа йолча республиканга аьлар «2024-кагирхой дерригача дунен фестивала» доакъашхоша.
«ГӀалгӀайчен 32 шу дузаш хиларца, дукха ловцаш даьхар тайп-тайпарча мехкарча наха. Царна юкъе яр Египет, Испани, Монголи, Пуэрто-Рико, Румыни, Казахстан, ГуржегӀе, иштта кхыяраш.
Шоай гойтамароликашца кагирхоша вай мохк даькъалабийцар; ираз, аьттув, беркат, машар болаш, массахана дика дегӀадоагӀаш вахар хилар ловш долча дешашца», - аьлар хоам бечо.
«Тамашийна хет, тайп-тайпарча мехкашка бахача наха, цхьан оазаца ГӀалгӀайчен ловцаш доахаш», - аьлар кагирхой политикан, туризма министра Малсаганаькъан Адама.
