«ШоллагӀа ди хьинаре дӀадихьар. Республикан бахархошта, хьаьшашта хьалхашка; пхи оагӀув яр хьакъоастаяь. Шоашта бакъахьа хеташ йолча оагӀорахьара дешар хьаэца йиш йолаш бар уж. Цу юкъе доагӀар вахарца ювзаенна проекташ оттаяр, менеджмент, сурташ дахка Ӏомавалар, салаӀар, программировани яр», - аьлар из болх вӀашагӀбеллача ЦӀечой Исроапила.

«Вахара проект оттаяра даькъ тӀа оаха лаьрхӀар психологе урок дӀаяхьа, эшаш бола толам баккхара команда кийча йий хьожаш. Тхо Ӏомадир новкъосташа яхачунга дика ладувгӀа, тӀаккха толам а дикагӀа боаккх. Балха тӀахьожаш волчо хьалхадаьккхар дика, эсала йола оагӀонаш малагӀаш я, иштта вӀашагӀъеллар чӀоагӀа команда», - йоах Раменск-Шахьара вахархочо Соха Дмитре.