ГӏалгӀайчен, Нохчий мехка кагирхой Парламенташа шоайла бувзам лелабергба
ГӏалгӀай, Нохчий республикай кагирхой Парламенташа шоайла бувзам лелабергба. Укх деношка цар чӀоагӀдир цхьана проекташ дӀаяхьар, яхаш, хоам бу цигара «Сердало» газетага.
«Из лоархӀаме дош кхоачашде вай мехка ена хилар тоаба. Цунна керте вар парламенташта юкъерча бувзама, къаман хоамий политикан, Нохчий Республикан юкъарлон организацешца бувзам лелабара Комитета кулгалхо ЕльсаевгӀар Аламахад.
Кулг яздеча дакъа лоацаш хилар ГӏалгӀай Республикан Халкъа Гуллама Председатель Тӏумхой Мухьмад, цун вице-спикер Пхьаранаькъан Руслан, Хьаьшанаькъан Аза, Кагирхой парламента кулгалхо Ӏаспенаькъан Адам, МС депутаташ», - аьлар хоамо.
ЕльсаевгӀар Аламахада баркал аьлар ГӏалгӀайченна иштта хоза шоаш тӀаэцарах, мехка кагирхошта юкъера барт чӀоагӀбара гӀулакх хоза дӀадахьарах.
ГӏалгӀайчен спикера ший аргӀагӀа белгалдир, вай республикай дукха юкъара гӀулакхаш хилар тайп-тайпарча даькъош тӀа.
«Оаха, са балха новкъосташца, Нохчий Республикан Парламента председателца Шаид Вахаевичаца дукха цхьана хаттараш дӀа-юха тохк.
Вай республикай кагирхой шоайла бувзам болаш хуле, вошал долча къамашта юкъера гӀулакхаш дикагӀа хотталуш хургда», - аьлар Тӏумхой Мухьмада.
Ӏаспенаькъан Адама яхачох, къонача депутаташа дикагӀа маьхалйоахаш хургья моллагӀа тахан федеральни боараме латташ йола шинна а республикан программаш.
Кхетаче чакхъяьлар, совгӀаташ дӀа-юха луш.
