ГӀалгӀайчен кагирхой театро «Хьамсара нус» яхача спектаклага хьажа бех
ГӀалгӀайчен Паччахьалкхен кагирхой театро гойтаргья «Хьамсара нус» («Дорогая сноха») яха спектакль-белам. Лоадам боацача бахьанах хоттаденнача маьр-наьнеи несийи къамаьлах го йиш я, массахана несийна, маьр-нанна юкъе латта гӀулакх.
«Спектакль го йиш я кӀимарса бетта 20-ча дийнахьа, Наьсарен-Шахьара культуран ЦӀагӀа.
Кагирхой театро вӀашагӀбеллача цу сийрдача, беламеча балхо наьха самукъадоаккхаргда. Театр дезарий, йовхьамаш ловзаерий хоза болх го безам барий йиш я Пушкински картага гӀолла цига баха. Цу карто таро лу вай кагирхошта шоашта езача кхетаченашка баха, боккъонцахьа йола искусство го»,- аьлар «Сердало» газетага ГӀалгӀайчен культуран Министерствос.
«Хьамсара нус» яхача спектаклага хьажа баьхкараш, кхыча дунен тӀа шоаш хилча санна, хеташ хургба тамашийна къаман белам бовзарах.
