Марихуана яхача наркотикаца хьалаьцачунна суд ергья
18.07.2024 09:12
Марихуана яха наркотик цӀагӀа лелаеш, наха юкъе йоаржаеш, лийннача Илдарха-ГӀалий тӀарча вахархочоа суд ергья. Из хоам «Сердалога» бир Ӏаьдала болхлоша.
«МВД тохкама болхлоша белгалдечох, дӀабахача бетта шийна лаьрхӀа 178 грамм марихуана ений цо ший машинаца. Йоккха юкъ ялалехь ший дохьажаца хьалаьцар из полице болхлоша», - йоах газетага кхаьчача хоамо. Илдарха-ГӀалий тӀарча судо тохкаргда наркотикаца бувзам лелабеш хинначун гӀулакх.
