«Къонача гварде» доакъашхой яхьашка дакъа лоацаш хургба
23.07.2024 12:18
Роганов Максима цӀерах йолча яхьашка дакъа лаца бех, вай мехкарча «Къонача гварде» доакъашхой. Из хоам «Сердалога» бир цу моттигера.
«ГӀо деш лелараша шоаш дӀахьокхаргба, 15 совгӀа долча гӀулакхаца. Царна юкъе я туризм, спорт, культура, хоамий политика, экономикеи цхьацца хӀама хьадеш хилари, дешар, къахьегам, экологи, хоамий технологеши бувзами, ЖКХ оагӀонца дувзаденнараш тоадар.
«Россе юристий ассоциацеца», «Кагирхой парламентаца» цхьана «Россе къонача гварде» вӀашагӀъеллача кхетачено аьттув лу бахархошта беркате, пайда беш хургйола проекташ гойта», - белгалдир МГЕРа зарбан балха кулгал деча ЦӀолой Ислама.
