Берашта лаьрхӀа кхетаче дӀайихьар къонача гвардейцаша
Бераш лорадара долча Ден хетаяь кхетаче дӀайихьар Магасе «Къона гварди» яхача оагӀон доакъашхоша, Наьсарен-Шахьара депутатий совета юкъе волча Овшанаькъан Мухьмада гӀо деш. Из хоам тха «Сердалога» бир цигарча зарбан балха кулгал деча ЦӀолой Ислама.
«СовгӀаташ телаш хиннача тайп-тайпарча ловзарех, викторинех, иштта кхыдарех латташ хиннача программо, КадыровгӀар цӀерах йолча аллее, дукха бераш гулдаьдар. Берашта геттара хоза хеташ йола Чайтоанг, Пхьагилг, Мим, Шлипкин юкъебаьлча, геттара айделар цӀай.
«Чайтоанг-Тедди06» яхача тоабанца дӀадихьа ловзараш берашта цӀаккха а дицлургдац», - дийцар тха газетага. ЦӀай йистедаьлча, тӀема доакъашхой берашта совгӀаташ дийкъар цу гӀулакха хьалхалаттараша.
«Бераш вай берригача мехка кхоане я! Ираз долча берех хьалкхув, иразе бола боккхийбараш. Беркате хилда массане берал! Иразе, гӀоза, маьрша дахалда вай бераш!» - аьлар «Къона гварди» яхача моттигерча оагӀон хьалхалаттача Чаненаькъан Исроапила.
