Россе истори довзийт берашта къонача гвардейцаша
13.06.2024 09:36
Укх беттара 12-гӀа ди Россе Ди да, аьнна, белгалдарах тарра, «ЦаӀ йолча Россе къона гвардейцаш», зӀамагӀа долча берашта, боккхача мехка истори довзийташ хилар. «Россера триколор» яхача даькъе дӀабихьар из болх. Из хоам «Сердалога» бир болам дӀахьош хиннараша.
«Магасерча бахархошта дукха хӀамаш довзийтар цу кхетачено. Къонача гвардейцаша кердадаьккхар, 12-гӀа ди Россе Ди харжар ший бух болаш долга.
1990-ча шера цу дийнахьа РСФСР паччахьалкхе ше къаьстта йолга хайташ Деклараци хьатӀаэцарах дийцар цига. Иштта дӀадахад из ди, къамашта юкъера цӀай хинна», - дийцар хьинар дарашта юкъе волча Доврбиканаькъан СаӀида.
