Къонача эскархоша, цӀий дӀачулуш, гӀо дир доарахочоа
Волонтеры Молодой гвардии провели донорскую акцию по сдаче крови для раненого из сельского поселения Экажево, сообщили корреспонденту газеты «Сердало» организаторы акции.
«РКБ дехара духьала жоп луш, гӀончий меттел, балхаш деш бола нах а новкъостал де оарцагӀбаьлар», — йоах хоамо.
Тахан, чов хиннача вай мехкахочунна лаьрхӀа цӀий дӀачулуш, дукха бар, царна юкъе иштта яр Ӏаьлий-Юртара Албохчанаькъан Зарема. Из хьалхагӀа а иштта цӀий дӀачулуш хиннай. ДӀахо цига нийсвелар 47 шу даьнна Элмарзанаькъан Руслан, тӀема гулакха тӀа вола ТӀоалданаькъан Умалт, «Беркат-ЮГ» ОМОНа воккхагӀвола психолог, полице майор Доврбиканаькъан Хьасан, Магас-Шахьаре гӀолла йолча къонача эскархой отделене кулгалхо Коазой Лолита.
Цу лоархӀамеча гӀулакхе ший дакъа юкъедихьар «Сердало» газета редакце а.
«Дукхача шерашка денз донор волаш хьавоагӀача сона ловш хул, новкъостал эшача моттиге оарцагӀвала, дег чу паргӀатагӀа хул сона, айса дика гӀулакх дича. Вай декхар да наха эшача моттиге новкъостал дар», — аьлар Доврбиканаькъан Хьасана.
