Хала боахкача дезалашта гIо деш ва, Илдарха-ГIалий тIара къона электрик
Илдарха-ГIалий тIа вахаш вола Тутайнаькъан ИбрахIим, шийна могаш дола гIо деш, наьха оагIув хьаллоацаш ва тахан, Даьла духьа. Яьнна ха дукха еце а, ийс шу да цо хьинаре къахьега. Электрик волаш, каст-каста наьха фусамашка нийслуча ИбрахIима гу наьха вахара хьал, цудухьа хала боахкача дезалашта, мах боацаш, новкъостал де лаьрхIад цо. ХIара дийнахьа нийслу из, да дIаваьнна цхьаь дезал кхебеча, таро хала йолча наьха цIагIара розеткаш, тока саьргаш хувца, иштта кхыдола балхаш де дезаш.
Шахьарерча наха чIоагIа доаккхал ду иштта беркатеча сагах, массанена вовзаш, везавенна ва тахан ИбрахIим. ХIаьта цо ше яхачох, из гIулакх цо цхьан юкъа аьнна леладеш дац.
ДIахойодача хана кхы а дукхагIа хала боахка дезалаш чулоацаш, шийна могаш дола гIо царна де лаьрхIа ва из. Цунца бувзаме вала безам болчо укх номерах дIатоха еза телефон: 8 938-666-63-83», - дийцар «Сердало» газетага кагирхой гIулакхех йолча комитете. Нах халача хьале болча хана, цхьаккха дакъа ца лоацаш Iе могаргдарех вац ИбрахIим.
«Айса баьча балхах ахча мишта хьадех аз, дуккхабарашка из эггара кертерча гIулакхех дохка а доацача хана. Хала йолча хана дерригаш а вIаший хьожаш, гIо деш, хила деза вай», - аьлар дог дизза камоаршал йолча цу беркатеча сага.
