«Говзанчий мохк» яхача кхетаче дакъа лаьцар вай мехкахочо
30.09.2024 16:55
«Говзанчий мохк» яхача къамашта юкъерча фестивале дакъа лаьцар вай мехкахочо. Из хоам «Сердалога» бир цу моттигера.
Тайп-тайпара кхоллама балхаш де Ӏемав 28 шу даьнна ТӀумхой Муса, ше къахьегача юкъа.
«Таханара кхоллам» яхача оагӀонца болх беш, хьавоагӀа из, укх пхе шера. Гойтаме цо йовзийтар йӀайхача хӀаман кӀаллоатторгаш, кӀопилгаш, пхьегӀаш, бусйоагоргаш, сурташ, сахьаташ, иштта кхыйола хӀамаш.
«ХӀара гойтамца цхьацца лерхӀамаш хул са. Эггара хьалха, нахага хоза хӀамаш дӀахьокха безам боагӀа. Иштта дукха нах бовз, цхьацца кердадараш Ӏомаду. Дика да, ахча хьатӀада аьттув хилча, бакъда, аз цул лоархӀамегӀа кхыдола хӀамаш оттаду», - йоах хоамо.
