Къуно миллион мах бола хӀамаш лочкъаяьй
20.10.2025 14:13
Наьсарен кхален полице хьалаьцар 19 шу даьнна зӀамсаг, наьха цӀагӀара цхьа миллион совгӀа мах бола дошо хӀамаш йихьа, яхаш, дийцар «Сердало» газетага бокъонаш лораераша.
«Тохкамхоша яхачох, зуламхо чуваьлар Тӏой-Юртарча цхьан цӀагӀа, чухьа саг воацача хана. Дошо хӀамаш йоацаш, цо йихьай шиъ мобильни телефон, 4 эзар сом», - аьлар хоамо.
Из хьалаьцар уголовни тохкама болхлоша, хӀанзарчоа нах чубехкача моттиге лаьца воалл къу. Лочкъаяь хӀамаш цо ехкай, дошо хӀамаш дӏаийеш волча шин сагага. Цхьанне, къу Ӏехаваь, кӀайча дошо хӀамаш дото я, аьнна, боацача маьхах ийцай. ШоллагӀчо полицега юхаделар ше ийца хинна гӀазарч, гӀалкхаш, зӏы. Хӏанз уж дӀакхоачаргья шоаш йолча даьшка, хӀаьта тохкам дӀахохьоргба.
