Вай къона хьинардараш - Запорожье дӏахьоча куран семинара доакъашхой ба
Гӏалгӏайчен хьинардараш хилар Запорожье кагирхой политикан хьал дегӏадоаладара лаьрхӏа дӏахьоча семинара доакъашхой, яхаш, дийцар Гӏалгӏай Республикан кагирхой цхьанкхетарий Цӏагӏа.
«Къулбехьен, Къилбаседа Кавказа федеральни курашта йола говзанчий кхетаче дӏайихьар «Маяк» центре.
Гулбеннарий теркама юкъе дар федеральни, моттигера декхараш кхоачашдара кагирхошта ховш дар дегӏадоаладар, иштта пайда луш йола проекташ тахкар. Цунца цхьана гулбеннараша мах оттабир мехкий балха, дӏадахача 2004 шера карагӏдаьнначунна, цунна чудоагӏаш дар «Мехко кагирхошта» яха программа кхоачашъяр. Кхелахоша хьалхадаьккхар, хӏана дисар хьал ца лоацаш керда юкъедоаладераш цхьайолча моттигашка, цу юкъа белггала республикаш цу даькъ тӏа дика толамаш доахаш хиннаяле а.
Гӏалгӏай Республикан кагирхой гӏулакхех йолча Комитета кулгалхочо Малсаганаькъан Адама, кагирхой цхьанкхетарий Цӏен кулгалхочо Чӏасанаькъан Руслана, иштта болх дӏабахьара хьал вӏашагӏдоллара волча Гӏалменаькъан Саӏида шоай балха говзал йийцар, кагирхой политика кердача боарам тӏа яккха таро йолаш хилар хьоахадеш, дегӏадара дикагӏа дола хьалаш хьа а кхоллаш.
