ГӀалгӀай Республикан 13-14 шу даьннача ондаргаша дика толамаш даьхар Къилбаседа Кавказа боксах йола Хьалхале къайсача яхьашка. Уж хилар Буро тӀа, яхаш, хоам бу «Сердало» газетага ГӀалгӀай Республикан бокса Федераце.

«ЛаьрххӀа йолча тӀема операце мугӀарашка бейнача вай бӀухошта хетаяь дӀахьош хинна йоккха яхь вай тӀоарска кулгахйоаллорга пхе говзанчанна лоархӀаме яр.

Яхьашка даьхача толамех дотув даьккхар Гарданаькъан Мансура (42 кг, тренераш- Булгучанаькъан М., Булгучанаькъан А.), Къоастой Хьамзата (48 кг, тренер - Хамхой Ӏаддал-Къаьдар), иштта Дзовранаькъан ИбрахӀима (50 кг, тренер- Хамхой Ӏаддал-Къаьдар).

Борза совгӀат даьккхарех вар Баркинхой Мухьмад-Ӏаьла (50 кг, тренер- Оздой Аслан), иштта ГӀулой ИбрахӀим (70 кг, тренер-Тиймарзанаькъан Муса).

Белгалду, Буро тӀа яхьашка котбаьннараш бокъо йолаш ба Россе Хьалхалене дакъа лаца, из дӀайолалургья Сыктывкаре аьтинга бетта 19-ча дийнахьа.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде