ГӀалгӀайчен кагирхой ГИТИСе деша таро йолаш ба
Мехка хьалхале лелаеш йолча театральни вузех цаӀ я театральни искусствон Российски паччахьалкхен институт. ГИТИСа кердайоаккх ший проект «ГИТИС-Юг» Къилбаседа Кавказа федеральни даькъ тӀарча абитуриенташта, йоах ГӀалгӀай Республикан культуран Министерствос.
Карарча шера деша отта безам бараш шоашта фу хов гойта дезаш ба нохчий столице Шолжа-ГӀалий тӀа, маьтсела бетта 12-ча денгара 14-ча денга кхаччалца дӀахьоча хьалхарча бӀала юкъе. Цох чакхбаьннараш шоллагӀча бӀалага кхоач. Из хургба Москве.
Белгалду, цига деша оттараш хьахоржача хьалхарча даькъ тӀа, актёраш, режиссёраш, театроведаш, ашарий театра факультета, иштта кердача сценически искусствон даькъ тӀа деша безам бараш чакхбаларга хьожаш хургья ГИТИСа йоккха комисси, уж ба цӀихеза института хьехархой, шоашта керте ректор Заславский Григорий а волаш.
«Дерригача хаттарашта жоп лургда «Къулбехьен Россе театрий Ассоциаце председатела, «ГИТИС-Къулбехьен» проекта куратора, ГИТИСа ректора гӀончас Базорканаькъан М. В. «телефон+ 79151659237», - аьлар ГӀалгӀайчен культуран Министерствос.
