Вайцигарча кагирхоша дакъа лаьцар, Дерригдунен цӀий дӀалуча денна юкъе
ГӀалгӀайчен кагирхоша пайда хьабаргбола юкъара болх дӀахьу. Цу тайпара Дерригдунен цӀий дӀадалара ди долаш, «Къона Гварди» яхача моттигерча донораша шоашкара дакъа юкъедихьар цу лоархӀамеча гӀулакха, яхаш, дийцар «Сердало» газетага цигарча зарбан болх лелабеча ЦӀолой Ислама.
Цу дийнахьа Наьсарерча Республикански цӀий тохара йолча станце лораша мехкара дукха бахархой тӀаийцар.
Республике дӀахьош хиннача цу кхетачене иштта тӀаийцар лоӀамхой. ЦӀий дӀадалара новкъа хӀама доацилга хьагойташ йола моттигаш чакхъяьхачул тӀехьагӀа, кагирхоша цӀий дӀаделар», - аьлар кепайоазонга хоам баьчо.
«Со тешаш ва, моллагӀча вайх сага ший гаргарча сага а иштта хӀарманна а дика гӀулакх дара, цу тайпара болх дӀабахьа безаш хиларах», - аьлар «ЦаӀ йолча Россе Къонача Гварде» моттигерча даькъа кулгалхочо Чаненаькъан Исроапила.
