Наьсарерча зуламхочо тийшача балхах наьха холодильник йихьай
Йоккхача Ачалкхе вахача сага, Наьсарерча тийшаболх лелабеш йолча кхалсагаца гӀулакх леладарах, шийна зе дир. Бувзаме гӀолла «Дейвуд» яха холодильник 20 эзар сомах йохкаш я аьнна хоам беш, цунна вӀалла дага а дацар, шийна цох зулам даргда, аьнна.
Холодильник эца аьнна хьаенача кхалсага, ахча тӀехьагӀа дӀалургдолаш дийца, цунна ший телефона номер а йита, из дӀайихьар. ТӀехьагӀа гучадаьлар, цо йита телефона номер харцахьа йолга. Цу тайпара халахетар хинна вахархо Наьсарерча полице вахар. Полице сиха лехар хьалха а уж тийшабалхаш леладаь кхалсаг.
«Наьсаре гӀолла йолча Россе ОМВД тохкама отдела, зуламаш дарах хьалха лаьца яьллача кхалсага духьала уголовни гӀулакх хьадийллар РФ УК д. 2 ст. 159 дӀадехаш ма хиллара. Из, мехкара араяргйоацаш, соцаяьй», - аьлар «Сердало» газетага ГӀалгӀайче гӀолла йолча Россе МВД зарбан болх лелабераша.
