Бехктокхаме озаргья, 35 эзар сом лочкъадаь кхалсаг
Инаркъе яхача зуламхочо тийшаболх барах, цо 35 эзар сома лочкъадарах, из бехктокхаме озаргья, яхаш, хоам бу «Сердало» газетага республикан тӀахьожам лоаттабара болхлоша.
«Наьсарен прокуратуро чӀоагӀдир 29 шу даьннача, хьалхагӀа суд яь хиннача моттигерча яхархочо зулам даь хилара гӀулакх», - аьлар мехка прокуратуре.
ГӀулакх техкараша яхачох, бехке еш йолча кхалсага интернете Ӏочуоттадаьд, вахарца дувзаденна ахча Ӏаьдалгара хьаэцаш, ше новкъостал дергда наха, аьнна, йоазув. Из цо даьд, шийна ахча даккхар духьа.
Цун дешах тийша, Тӏой-Юрта яхача цхьан кхалсага, бӀаьсти цунна дӀадахьийтад 35 эзар сом.
Из ахча шийна бакъахьа хеттача оагӀорахьа дӀадахийтар зуламхочо, ше аьннар кхоачаш а данзар, е мичай ховш а хиланзар.
Прокуратуро уголовни гӀулакх дӀадахьийтар ГӏалгӀайчен Магаса кхален суде.
