Ӏаьдалгара хьадоагӀа ахча хьаэца гӀо дергда, аьнна, Ӏехайир зуламхоша вай мехкахо
Ӏаьдалгара хьадоагӀа цхьацца ахчаш хьаэцара тӀагӀолла, из деррига дӀачакхдаккха гӀо дергда яхача малашб ца ховча нахаца бувзаме бувл тахан вай мехкара бахархой.
«Бакъда наьха ахчах бӀаьхий хила ловш бола зуламхой мича бахар ца ховш бай дӀабоал, гӀо дарах дола ахча шоай кара кхаьчача. Ишттача эхь дайнарашта кӀалйисар вай мехкахо». Республикерча МВД болхлоша Росс УК 2-ча д. 159 ст. гӀулакх хьадийллар 1976, 1988-ча шерашкарча вай мехкарча шин кхалсага духьала. 2023-ча шера ахкан шоллагӀча бетта ахча хьаэца эшаш дола каьхаташ кийчдергда, аьнна, Ӏехаяьй цар мехкахо. 60 эзар сом ахча да цо царна дӀатӀадахьийтар», - дийцар «Сердалога» Россе вай республике гӀолла йолча МВД болхлоша. Ӏаьдала гучаяьнна ши зуламхо, мехкара араяла йиш йоацаш, бокъо йийхка соцаяьй.
