«Шин культуран къамаьл» яхача лагера доакъашхо хилар вай мехкахочох Акхасаганаькъан Мовсарах
19.06.2025 10:55
Республикерча Паччахьалкхен филармоне солист вола Акхасаганаькъан Мовсар «Шин культуран къамаьл» яхача къамашта юкъерча ерригача Россе кагирхой лагере вай мохк гойташ хилар. Из хоам «Сердалога» бир цу моттигера.
Россе ди дездарца дувзадаь, къамий гӀулакхех болча Федеральни оагӀоно, Нижегородски областа Паччахьалкхено гӀо деш, йоккха кхетаче дӀайихьар. Цу гӀулакха керттера декхар - Россе къамаш вӀашкаозар, начӀал дола кагирхой гучабоахаш, царна гӀо деш болх дӀабахьар.
Тайп-тайпарча оагӀонашцара начӀал дола къонабараш гулбеннабар цу йоккхача кхетаче, шоай говзал хьахьокха. ГӀалгӀай къаман яхь гойташ йола ши композици дӀааьлар Мовсара. Диплом луш, геттара чӀоагӀа тӀоараш детташ, белгалвир вай мехкахо цу кхетаче.
